စာကြည့်တိုက် စတင်ဖွင့်လှစ်ကတည်းက ဦးဆောင်သူနှင့် လုပ်အားပေးများ အားလုံးဟာ စေတနာ့ဝန်ထမ်းများသာဖြစ်ပါတယ်။
စာကြည့်တိုက်ကို အဓိက ဦးဆောင်ပြီး operation လုပ်နေသူ ၁၆ ဦး ရှိပါတယ်။ တခြား အချိန်ပိုင်း လုပ်အားပေးတဲ့ စေတနာရှင်များလည်း ၂၀ ကျော်လောက်ရှိပါတယ်။ မြန်မာပြည်ရဲ့ မမေ့ပျောက်နိုင်၊ အရေးပါတဲ့ နေ့တွေမှာတော့ စာကြည့်တိုက် လုပ်အားပေး စေတနာရှင်တွေနဲ့အတူ စာကြည့်တိုက်မှ စတုဒီသာအလှူပြုခြင်း၊ ဓါတ်ပုံပြပွဲများ ပြုလုပ်ခဲ့ပါတယ်။ ဥပမာ (ဗိုလ်ချူပ်မွေးနေ့ ၊ဒေါ်စု မွေးနေ့ ) တခြားအဖွဲ့အစည်းများမှ မြန်မာနိုင်ငံအတွက်အကျိုးရှိမည့် activity ရှိလျှင် စာကြည့်တိုက်မှ တတ်အားသရွေ့ ပါဝင်ကူညီပေးခြင်းတို့ဖြစ်ပါတယ်။ လစဉ် စာအုပ်တစ်အုပ်ကို ရွေးချယ်၍ ထိုစာအုပ်ကိုဆွေးနွေးကြပါသည်။
စာကြည့်တိုက် ထူထောင်တဲ့ ရည်ရွယ်ချက်
(၁) ရုပ်အာဟာရအတွက် စင်္ကာပူတွင်လာရောက်လုပ်ကိုင်နေသောမြန်မာများအတွက်လိုအပ်နေသော စိတ်အာဟာရကို ဖြည့်ဆည်းပေးရန်။
(၂) မြန်မာပြည်တွင် ဖတ်ရှုခွင့်မရသော စာပေများကိုဖတ်ရှုနိုင်စေရန်။
(၃) စာကောင်းပေကောင်းများ ဖတ်ရှုပြီး အမိနိုင်ငံတော်အတွက် အကျိုးပြုလိုစိတ်များပေါ်ပေါက်လာစေရန်။
(၄) Computer/Internet သုံးစွဲရန် အခွင့်မသာသော စင်္ကာပူရောက် အစ်ကိုအစ်မများအတွက် မြန်မာ့သတင်း ၊ ကမ္ဘာ့သတင်းများ လွယ်ကူစွာ ဖတ်ရှုနိုင်ရန်။
(၅) မြန်မာတိုင်းရင်းသားများ အချင်းချင်း ညီညီညွတ်ညွတ်နှင့် စုပေါင်းလုပ်ဆောင်လာနိုင်စေရန်။
0 comments:
Post a Comment